Ísland og Ungverjaland mætast í Laugardalshöll annað kvöld kl. 19:30 í forkeppni EuroBasket 2017. Miðasala er þegar hafin inni á tix.is
Miðaverð á leikinn er kr. 1500 fyrir 13 ára og eldri en frítt er á leikinn fyrir 12 ára og yngri. Ísland og Ungverjaland mættust í nóvembermánuði þar sem Ungverjar höfðu betur og tróna nú á toppi riðilsins eftir eins stigs sigur á Slóvökum í síðasta leik.
Það er ljóst að erfiður leikur er fyrir höndum hjá íslenska liðinu og því gráupplagt að fjölmenna í Höllina og styðja landsliðið í leit sinni að fyrsta sigrinum í riðlinum!
