Örlög Sundsvall Dragons eru ráðin en nýskipuð stjórn félagsins hefur lýst Drekana gjaldþrota. Nýja stjórnin fékk nauman tíma til þess að sýna fram á að hægt væri að snúa vörn í sókn en fréttamiðlar í Svíþjóð skýra frá því að ástandið á félaginu hafi í raun ekki boðið upp á neitt annað en að lýsa yfir gjaldþroti.
Sundsvall bíða nú þess örlög að fara þá væntanlega niður í sænsku þriðju deildina og staðfesti landsliðsfyrirliðinn Hlynur Bæringsson við Karfan.is rétt í þessu að hann hefði þá þegar leikið sitt síðasta tímabil fyrir Sundsvall. Hlynur gekk til liðs við sænska félagið 2010.
Hlynur hefur séð góða félaga með sér í drekabælinu í Jakobi Erni Sigurðarsyni, Pavel Ermolinskij, Ægi Þór Steinarssyni og Ragnari Nathanaelssyni en Hlynur verður því síðastur Íslendinganna til að segja skilið við klúbbinn.
