Heimsmeistarakeppnu U17 ára landsliða lauk á dögunum þar sem kvennalið Ástralíu og karlalið Bandaríkjanna fögnuðu sigri. Hjá Áströlum var um að ræða sögulegan sigur þar sem U17 ára lið landsins varð heimsmeistari í fyrsta sinn.
Ástralir höfðu þá öruggan 62-38 sigur gegn Ítalíu en liðið vann alla leiki sína í lokakeppninni. Ítalir fengu þá eins og gefur að skilja silfrið og Bandaríkjakonur höfnuðu í 3. sæti eftir 65-50 sigur á Kína.
Karlamegin var úrslitaleikurinn svipað óspennandi og kvennamegin en þá burstuðu Bandaríkjamenn Tyrki 96-56. Niðurstöðurnar þýða að Bandaríkjamenn hafa unnið allar fjórar keppninar í núverandi fyrirkomulagi.
Litháen hafnaði í 3. sæti eftir 81-63 sigur á Spánverjum.
Mynd/ U17 ára karlalið Bandaríkjanna varð heimsmeistari eftir stóran og öruggan sigur gegn Tyrklandi.
