Valur valtaði yfir Ármann í fyrsta leik tímabilsins í 1. deild karla 116-61. Valsmönnum er spáð góðu gengi í vetur en Ármanni neðsta sæti deildarinnar.
Leikurinn var áhugaverður fyrir margar sakir. Hinn 44. ára Baldur Ingi Jónasson tók fram skónna í sumar og spilaði með Ármann í kvöld. Ekki nóg með það, í liði Vals var Ingimar Aron Baldursson sem vel að merkja er tengdur Baldri.
Þeir feðgar mættust semsagt á vellinum en Baldur spilaði 22 mínútur en Ingimar ellefu mínútur. Það eru ekki nema 26 ár á milli þeirra feðga en sá eldri gefur þeim yngri lítið eftir.
Ingimar hefur þó montréttinn á heimilinu en hans lið fór ansi illa með Ármann.
Myndir frá Torfa Magnússyni úr leiknum má sjá hér að neðan:
