Fjórum leikjum er lokið í Dominos deild karla þar sem leikið er í fimmtu umferð deildarinnar.
Í Keflavík unnu heimamenn nokkuð sannfærandi sigur á Val. Valsarar komu með gott áhlaup í seinni hálfleik en Keflavík svaraði því frábærlega og unnu góðan sigur.
Slagurinn um norðurland fór fram á Sauðárkróki þar sem Tindastóll hafði betur. Þá unnu Þórsarar frá Þorlákshöfn flottan sigur á Haukum og spyrna sér þar með frá botninum í bili.
ÍR varð svo fyrsta liðið til að sigra KR á tímabilinu er liðin mættust í Breiðholtinu í kvöld þar sem liðin sem léku til úrslita á síðasta tímabili mættust á ný.
Úrslit kvöldsins – Dominos deild karla:
Keflavík 92-82 Valur
Tindastóll 89-77 Þór Ak
ÍR 78-77 KR
Þór Þ 89-81 Haukar
