Haukar tilkynntu fyrr í dag að samið hafi verið á nýjan leik við framherjann Lovísu Björt Henningsdóttur og mun hún því vera áfram með liðinu á næsta tímabili í Dominos deild kvenna.
Lovísa, sem er uppalin hjá Haukum, kom aftur til liðsins fyrir síðasta tímabil eftir að hafa verið í bandaríska háskólaboltanum. Á síðasta tímabili skilaði hún 12 stigum, 7 fráköstum og 2 stoðsendingum að meðaltali í 23 leikjum fyrir félagið.
