Fjórir leikir fóru fram í 1. deildum karla og kvenna í kvöld þar sem boðið var upp á örugga heimasigra sem og flotta útisigra.
Í 1. deild karla hafði KFG betur gegn Hamri í Garðabæ þar sem heimamenn innbyrtu tíu stiga sigur, 99–89, eftir fjörugan og stigaháan leik.
Í 1. deild kvenna fóru þrír leikir fram. Þór frá Þorlákshöfn sótti öruggan 90–72 sigur gegn ungmennaliði Hauka á Ásvöllum. Á Selfossi sýndu heimakonur mikla yfirburði þegar þær lögðu Skallagrím að velli með 22 stiga mun, 93–71. Þá hafði ÍR betur gegn Njarðvík b í hörkuleik þar sem Breiðhyltingar fóru heim með stigin tvö eftir sjö stiga sigur, 78–71.
