Bónusdeild karla í körfubolta fer af stað í kvöld og af því tilefni var blásið til mikils upphitunarþáttar í hlaðvarpinu Run and Gun. Þar fóru stjórnendurnir Máté Dalmay og Tómas Steindórsson yfir málin ásamt góðum gesti, Manna Vill, og lögðu fram árlegar spár sínar fyrir tímabilið.
Mikil eftirvænting er fyrir komandi vetri og eru sérfræðingarnir ekki á einu máli um öll lið. Þeir eru þó furðu samstiga þegar kemur að efstu og neðstu sætunum. Máté og Manni spá báðir Álftanesi titlinum og Tindastóli í 2. sæti. Tómas fer aðra leið og spáir Stólunum efsta sætinu en Álftanesi í því öðru.
Á botninum ríkir algjör samstaða, en allir þrír spá ÍR í 10. sæti, Sindra í 11. sæti og Ármanni í 12. og neðsta sæti deildarinnar. Þá eru skiptar skoðanir um Valsmenn; Tómas spáir þeim miklum vonbrigðum og 7. sæti, á meðan Máté telur þá geta komið á óvart og spáir þeim 3. sæti.
Spárnar má sjá í heild sinni hér fyrir neðan, en hægt er að hlusta á alla umræðuna í nýjasta þætti Run and Gun.
Sérstakar tilnefningar:
- Máté: Gætu komið á óvart (Dark horse): Valur | Vonbrigði: Stjarnan
- Tommi: Gætu komið á óvart (Dark horse): Keflavík | Vonbrigði: Valur
- Manni: Gætu komið á óvart (Dark horse): Keflavík | Vonbrigði: Grindavík
