Íslenska U16 ára landslið kvenna í körfuknattleik leikur í undanúrslitum á Evrópumótinu í Ioannina í Grikklandi í dag, mánudaginn 10. ágúst. Ísland mætir liði Danmerkur og hefst leikurinn klukkan 14:00 að íslenskum tíma.
Íslensku stúlkurnar mæta af fullum krafti inn í undanúrslitin eftir frábæra frammistöðu í F-riðli þar sem þær unnu báða leiki sína gegn Noregi og Bretlandi. Búist er við hörkuleik gegn Danmörku þar sem mikið er í húfi fyrir áframhaldandi gengi á mótinu.
Hægt er að fylgjast með beinni útsendingu frá leiknum hér
