Íslenska kvennalandsliðið skipað leikmönnum 18 ára og yngri tryggði sér sæti í átta liða úrslitum á B-deild Evrópumótsins í Tulcea í Rúmeníu eftir dramatískan 77:74-sigur á Aserbaídsjan í dag. Ísland mætir Ísrael í næsta leik á föstudaginn.
Sigurinn vannst eftir mikla endurkomu í leiknum, en íslenska liðið lenti snemma undir og var staðan 17:24 eftir fyrsta leikhluta. Mótspyrnan var áfram mikil og fyrir lokafjórðunginn hafði Aserbaídsjan 60:51 forystu. Íslensku stelpurnar sýndu hins vegar mikinn character í fjórða leikhluta, snéru leiknum sér í vil með glæsilegum lokasprett og tryggðu þriggja stiga sigur í æsispennandi lokamínútum.
Tea Þorleifsdóttir var stigahæst í íslenska liðinu með 14 stig, Rebekka Rut Steingrímsdóttir skoraði 13 stig og Sara Björk Logadóttir bætti 10 stigum við í mikilvægum sigri Íslands.
