Hrafnkell Blær Sölvason hefur skrifað undir samning við KISKI School, sem staðsettur er í Saltsburg í Pennsylvaníu-fylki í Bandaríkjunum. Hann mun því leggja stund á nám og körfuknattleik við skólann á komandi misserum.
Að sögn Soccer and Education USA ríkir mikil eftirvænting og spenningur yfir því að fylgjast með áframhaldandi ferli og þroska Hrafnkels ytra. Honum eru sendar innilegar hamingjuóskir með þetta flotta skref á ferlinum.
