Keflavík hefur gengið frá tveggja ára samningum við fimm ungar og efnilegar körfuknattleikskonur.
Leikmennirnir sem skrifuðu undir samningana eru þær Kamilla Nótt Bergsveinsdóttir, Lísbet Lóa Sigfúsdóttir, Telma Lind Hákonardóttir, Oddný Hulda Einarsdóttir og Heiðrún Lind Sævarsdóttir.
Allar eru stelpurnar fæddar árið 2010 og ljóst er að framtíðin er björt í Keflavík með þennan öfluga hóp innan raða félagsins næstu árin.
