Frank Aron Booker hefur gert tveggja ára samning við Álftanes.
Hann söðlar um eftir farsælt gengi með Valsmönnum undanfarin ár, en Frank býr yfir ríkri reynslu úr háskólaboltanum í Bandaríkjunum, Evrópu og með íslenska landsliðinu.
Á síðustu leiktíð skilaði hann tæpum 14 stigum og 6 fráköstum að meðaltali í leik. Baldur Þór Ragnarsson, þjálfari Álftaness, fagnar komu Franks og segir þennan mikla sigurvegara passa fullkomlega inn í áætlanir liðsins á Álftanesi.
