Íslenska 16 ára og yngri landslið stúlkna spilaði í dag sinn þriðja leik á Norðurlandamótinu í Kisakallio í Finnlandi þar sem liðið mætti Eistlandi. Eftir góðan sigur gegn Svíþjóð í gær mættu stúlkurnar af miklum krafti og héldu uppi sömu góðu orkunni í dag. Lokatölur leiksins urðu hins vegar sex stiga tap Íslands, 59-65, í rosalega kaflaskiptri og spennandi viðureign. Þetta var svekkjandi niðurstaða þar sem íslenska liðið leit út fyrir að vera umdeilanlega betra en það eistneska, en þær létu hörku andstæðinganna á löngum köflum fara alltof mikið í taugarnar á sér.
Leikurinn var hálfgerður rússíbani þar sem liðin skiptust á að hafa frumkvæðið og munaði litlu á þeim eftir hvern leikhluta. Ísland byrjaði betur og leiddi með fimm stigum eftir fyrsta leikhluta, 22-17. Eistar svöruðu af krafti í öðrum leikhluta sem þeir unnu 9-21, og leiddu því með sjö stigum í hálfleik, 31-38. Íslensku stúlkurnar sýndu mikinn karakter í þriðja leikhluta þar sem vörnin var í fyrirrúmi, en þær unnu hann 15-7 og náðu eins stigs forystu fyrir lokafjórðunginn, 46-45. Lokakaflinn var æsispennandi og hefði sigurinn getað dottið með báðum liðum, en Eistland reyndir sterkara í fjórða leikhluta, 13-20, þar sem þær nýttu lukkuna og settu stór skot undir lokin.
Þegar litið er á tölfræðina voru nokkrar íslenskar stúlkur atkvæðamiklar í leiknum þrátt fyrir tapið. Eva Óladóttir var stigahæst í íslenska liðinu með 15 stig auk þess að taka 6 fráköst. Oddný Einarsdóttir átti einnig góðan leik og skilaði 12 stigum. Í teignum barðist Eva Ingadóttir gríðarlega vel og skoraði 7 stig en tók jafnframt 10 fráköst á rúmum 13 mínútum, á meðan fyrirliðinn Björk Karlsdóttir var frákastahæst með 11 talsins og bætti við 5 stigum. Stúlkurnar voru virkilega góðar í að búa sér til hluti sóknarlega en voru á köflum klaufar í kringum körfuna, sem reyndist dýrkeypt.
Eftir þennan erfiða leik dagsins gegn Eistlandi á íslenska liðið tvo leiki eftir á mótinu gegn Finnlandi og Danmörku. Það er kærkomið að stúlkurnar fá verðskuldaðan frídag á morgun til að hlaða batteríin og fara yfir hlutina. Keppnin heldur svo áfram af krafti þar sem þær spila á þriðjudag og miðvikudag. Ef liðið nær að halda þessari sömu góðu orku og aga sig gegn hörku andstæðinganna geta verið góðir hlutir í vændum í síðustu tveimur leikjunum.
