Kanadíski miðherjinn Lewis Diankulu mun klæðast Fjölnistreyjunni á nýjan leik á komandi keppnistímabili. Lewis missti alfarið af síðustu leiktíð vegna meiðsla en er nú klár í slaginn á ný.
Hann hefur til margra ára verið dýrmætur hlekkur innan raða Fjölnis, bæði sem leikmaður og þjálfari, og ríkir mikil eftirvænting í Grafarvoginum með að fá hann aftur inn á gólfið.
