Landsliðskonan Thelma Dís Ágústsdóttir hefur framlengt samning sinn við Keflavík um tvö ár. Hin 27 ára Thelma er uppalin hjá félaginu og hefur verið í lykilhlutverki undanfarin ár. Hún hefur leikið með Suðurnesjaliðinu allan sinn feril hér á landi, að undanskildum árunum 2018 til 2023 þegar hún stundaði nám í Bandaríkjunum.
Thelma Dís hefur unnið til fjölda titla með uppeldisfélagi sínu á farsælum ferli. Hún varð bæði Íslands- og bikarmeistari með Keflavík árið 2017 og endurtók þann leik með liðinu árið 2024. Á síðasta tímabili varð hún svo bikarmeistari með þeim.
