Nýverið leit dagsins ljós nýjasti þáttur hlaðvarpsins Aukasendingarinnar á Körfunni, en gestir að þessu sinni voru þau Jónfrí og Árni Jó, betur þekktur sem Strikerinn.
Í þættinum var rýnt ítarlega í allt það helsta sem er að gerast á bak við tjöldin í íslenska körfuboltanum um þessar mundir, þar á meðal líflegar slúðursögur um leikmanna- og þjálfarabreytingar á milli félaga. Þá fór einnig fram hin árlega og eftirvænta verðlaunaafhending hlaðvarpsins þar sem veittar voru ýmsar skemmtilegar viðurkenningar fyrir liðið tímabil, svo sem fyrir besta leikmanninn, bestu stuðningsmennina og formann ársins.
Í sérstökum verðlaunaflokki þar sem formaður ársins var heiðraður hlut Egill Ástráðsson, formaður KR, nafnbótina í ár. Félag hans náði frábærum árangri á tímabilinu þar sem kvennaliðið stóð sig virkilega vel sem nýliði í Bónus deildinni og karlaliðið tryggði sér sinn fyrsta stóra titil síðan árið 2019, á sínu öðru ári eftir að hafa snúið aftur í efstu deild karla. Auk Egils voru þeir Ingibergur hjá Grindavík, Dagur hjá Tindastóli, Magnús hjá Keflavík og Einar og Hafsteinn hjá Njarðvík einnig tilnefndir til verðlaunanna fyrir flott starf á liðnu ári.
Umræðuna um formann ársins er hægt að nálgast í síðustu Aukasendingu sem aðgengileg er á öllum hlaðvarpsveitum undir nafni Körfunnar.
Formaður tímabilsins 2025-26
• Egill Ástráðsson– KR (verðlaunahafi)
• Ingibergur Þór Jónasson – Grindavík
• Dagur Þór Baldvinsson – Tindastóll
• Magnús Sverrir Þorsteinsson – Keflavík
• Einar / Hafsteinn – Njarðvík
