Í nýjasta þætti Filo og Gugga í boltanum skella vinkonurnar sér til Njarðvíkur þar sem þær fá einstaka innsýn í starf körfuboltaþjálfarans. Rúnar Ingi þjálfari opnar sig um hvernig vinnan fer fram á bak við tjöldin og ræðir þann áhugaverða mun sem fylgir því að stýra meistaraflokki karla annars vegar og kvenna hins vegar.
Heimsóknin var þó ekki án léttvægra stimpinga, enda eru tveir fyrrum Keflvíkingar nú í liði Njarðvíkur. Þeir fengu að heyra það frá stúlkunum fyrir að hafa ekki valið græna búninginn strax í upphafi, sem vakti mikla kátínu og skilaði skemmtilegum skotum á milli manna.
Að lokum var komið að líkamlegu átaki þegar Filo og Gugga mættu strákunum í hressilegri styrktaræfingu. Þær létu ekki sitt eftir liggja og fóru í beina samkeppni við leikmennina í lyftingum og upphífingum, þar sem keppnisskapið fékk svo sannarlega að njóta sín.
Tekið er fram að þátturinn er tekinn áður en Njarðvík fór út úr úrslitakeppni Bónus deildar karla
