Það er mikil spenna í loftinu í Smáranum í kvöld þegar Breiðablik tekur á móti KV í þriðja leik undanúrslita fyrstu deildar karla. Blikar hafa haft algjöra yfirburði í einvíginu fram til þessa og leiða 2-0. Með sigri í kvöld geta þeir tryggt sér sæti í úrslitaeinvíginu og farið í kærkomið frí á meðan beðið er eftir mótherja.
Á sama tíma fylgjast menn grannt með hinu undanúrslitaeinvíginu þar sem baráttan er öllu jafnari. Staðan á milli Sindra og Selfoss er jöfn 1-1 eftir tvo hörkuleiki og ljóst að þar verður barist fram í síðustu stundu. Næsti leikur í þeirri rimmu fer fram á Höfn á föstudaginn og því gæti Breiðablik fengið dýrmætan aukatíma til að undirbúa sig ef þeim tekst að klára sitt verkefni í kvöld.
Leikur kvöldsins
Fyrsta deild karla – Undanúrslit
Breiðablik KV – kl. 19:15
