Þór í Þorlákshöfn hefur gengið frá nýjum tveggja ára samningi við Skarphéðin Árna Þorbergsson. Þetta eru mikil fagnaðarefni fyrir félagið, en forráðamenn Þórs líta á endurnýjunina sem lið í mikilvægum framtíðarplönum liðsins. Skarphéðinn hefur verið vaxandi leikmaður í hópnum og er ljóst að hann mun spila stórt hlutverk í þeirri vegferð sem framundan er hjá félaginu.
Tíðindin koma á krefjandi tímapunkti en Þór mátti þola það mótlæti að falla úr Bónus deildinni niður í 1. deild karla á yfirstandandi tímabili. Þrátt fyrir fallið er ljóst að mikill hugur er í Þorlákshafnarbúum sem ætla sér greinilega beina leið aftur upp í hóp þeirra bestu. Með því að tryggja krafta Skarphéðins til næstu tveggja ára leggur félagið traustan grunn að þeirri uppbyggingu sem þarf til að koma liðinu aftur í efstu deild.
