Strákarnir í 2011 árgangi Breiðabliks sýndu mikla seiglu á Scania mótinu og unnu sér inn sæti í útsláttarkeppninni eftir öfluga frammistöðu í riðlakeppninni.
Þeir hófu útsláttarkeppnina af krafti með fjögurra stiga sigri á sterku liði Horsens frá Danmörku, en í 8-liða úrslitum biðu þeir lægri hlut fyrir sænsku meisturunum í Fryshuset eftir spennandi og jafnan leik.
Liðið lét það tap ekki slá sig út af laginu og lauk mótinu í 7. sæti eftir sigur á finnska liðinu Beat Basket í lokaleiknum. Þá vakti mikla athygli að strákarnir voru hreinlega í sérflokki í þriggja stiga skotum, en þeir settu niður að meðaltali sjö þrista í leik, sem var hæsta meðaltal allra liða í þeirra aldursflokki á mótinu.
