Það var eins og tíminn hefði verið skrúfaður aftur um nokkur ár á Meistaravöllum í kvöld. Eftir fjögurra ára bið var úrslitakeppnisstemningin mætt aftur í Vesturbæinn og það sást langar leiðir að stuðningsmenn KR höfðu beðið spenntir. Húsið var troðfullt, ríflega 1.200 manns mættir, og andrúmsloftið var rafmagnað strax frá fyrstu mínútu.
KR sigraði að lokum 91–82 í hörkuleik þar sem baráttan var algjör. Með þessum sigri jafnaði KR metin í 1-1 í þessu spennandi einvígi í Bónus deildinni og ljóst er að liðin ætla ekki að gefa neitt eftir.
Karfan spjallaði við Jakob Sigurðarson þjálfara KR eftir leik í Vesturbænum.
