Bilbao Basket vann gríðarlega mikilvægan sigur á Andorra í ACB deildinni í kvöld eftir mikinn háspennuleik sem þurfti að framlengja. Þegar yfir lauk munaði fjórum stigum á liðunum og fóru Tryggvi Snær Hlinason og félagar með 102-98 sigur af hólmi.
Landsliðsmiðherjinn okkar átti góða spretti í leiknum en hann skilaði tíu stigum á þeim tæpu þrjátíu mínútum sem hann dvaldi á vellinum. Tryggvi sýndi mikla skilvirkni í sókninni og setti niður öll fjögur skotin sín innan teigs, en auk þess tók hann fjögur fráköst og lagði upp tvær körfur fyrir samherja sína í þessari mikilvægu baráttu.
