Aukasendingin fékk Strikerinn Árna Jó og Jónfrí í kaffi til að fara yfir fréttir vikunnar, síðustu umferð í Bónus deild karla, bestu evrópsku leikmenn deildarinnar, hvernig úrslitakeppnin er að raðast upp og hvaða leikmenn hefðu mátt fara í frí til Egyptalands með Dwayne Lautier í landsleikjahléinu.
Dwayne Lautier-Ogunleye, leikmaður Njarðvíkur, vakti mikla athygli þegar hann sneri aftur úr landsleikjahléinu eftir stutt frí í Egyptalandi. Hann mætti sem nýr maður til leiks í Bónus deildinni og sýndi ótrúlega frammistöðu sem hreinlega skildi andstæðingana eftir í rykinu. Hápunkturinn var án efa þegar hann setti niður heil 50 stig í einum og sama leiknum, sem sannaði að sólin og hvíldin höfðu gert kraftaverk fyrir leik hans.
Það er nokkuð ljóst að Þórsliðið hefði þurft á einni ferð til Pýramídanna að halda, enda hefur spilamennska þeirra verið hreinasta skelfing eftir að deildin fór aftur af stað. Sama má segja um Giannis Agravanis hjá Stjörnunni og Justin James hjá Álftanesi, en þeir hafa engan veginn fundið taktinn sem tilskilist er í þessari hörðu baráttu. Þessar stjörnur deildarinnar virka hálf andlausar inni á vellinum og vantar þennan neista sem Dwayne sýndi svo rækilega. Ef Þórsarar og þessir erlendu leikmenn ætla ekki að enda tímabilið illa, þurfa þeir að finna sína eigin leið til að endurnýja kraftana, hvort sem það verður í Egyptalandi eða annars staðar.
Umræðuna um hverjir hefðu þurft að fara til Egyptalands með Dwayne er að nálgast í síðustu Aukasendingu hér fyrir ofan, sem og á öllum hlaðvarpsveitum undir nafni Körfunnar.
5 aðilar sem hefðu þurft að fara með Dwayne til Egyptalands
- Lárus Jónsson og allt Þórsliðið
- Giannis Agravanis úr Stjörnunni
- Justin James úr Álftanesi
- Daniel Dolenc úr Tindastóli
- Skagamenn
