Grindavík sótti gríðarlega mikilvægan sigur í Vesturbæinn í kvöld þegar liðið lagði nýliða KR að velli í efri hluta Bónus deildar kvenna. Leiknum lauk með ellefu stiga sigri gestanna, 87-98, í leik sem var í járnum nánast allan tímann.
Sigurinn hleypir enn meiri spennu í toppbaráttuna en eins og staðan er núna munar sáralitlu á liðunum í efri hlutanum. Njarðvík situr á toppnum með 28 stig, fast á hæla þeirra koma Haukar og KR með 26 stig, og þar á eftir fylgja Valur og Grindavík með 24 stig. Það er því ljóst að hver einasti leikur getur gerbreytt stöðunni í töflunni.
Karfan spjallaði við Emilie Hesseldal leikmann Grindavíkur eftir leik á Meistaravöllum.
