Elvar Már Friðriksson og félagar í Anwil Włocławek lögðu Górnik Zamek Książ Wałbrzych í Póllandi í kvöld, 97-90.
Á tæpum 34 mínútum spiluðum í leiknum skilaði Elvar Már 24 stigum, 7 fráköstum, 9 stoðsendingum og 2 stolnum boltum, en hann var langsamlega besti leikmaður vallarins í leiknum.
Anwil eru eftir leikinn í 6. sæti deildarinnar með átta sigra það sem af er deildarkeppninni í Póllandi.
