KR hafði betur gegn Njarðvík á Meistaravöllum í kvöld í Bónus deild kvenna, 89-82.
Eftir leikinn eru liðin jöfn að stigum með sex hvort eftir fyrstu fjórar umferðirnar, þrjá sigra og eitt tap.
Fyrri hálfleikur leiksins var jafn og spennandi og skiptust liðin í fjöldamörg skipti á naumri forystu. Þegar liðin héldu til búningsherbergja í hálfleik voru heimakonur þó körfu á undan, 46-44.
Í seinni hálfleiknum virðist KR vera með góð tök á leiknum. Fara mest 11 stigum yfir í þriðja leikhlutanum, en eru aðeins 4 stigum yfir fyrir lokaleikhlutann. Njarðvík nær svo alveg að koma til baka, jafna leikinn og komast yfir á lokamínútunum, en ná ekki að fylgja því almennilega eftir út leikinn. Vörn KR heldur síðustu tæpu einu og hálfu mínútuna á meðan Molly Kaiser, Rebekka Rut Steingrímsdóttir og Kristrún Ríkey Ólafsdóttir innsigla sigurinn fyrir þær, 89-82.
Stigahæstar fyrir Njarðvík í leiknum voru Brittany Dinkins með 25 stig og Danielle Rodriguez með 21 stig.
Fyrir KR var stigahæst Molly Kaiser með 27 stig og Rebekka Rut Steingrímsdóttir bætti við 19 stigum.
