Slóvenía lauk leik á lokamóti EuroBasket í Riga í Lettlandi í gær með tapi gegn Þýskalandi í 8 liða úrslitum.
Það verður því Þýskaland sem leikur á morgun gegn Finnlandi í undanúrslitum, en í hinni undanúrslitaviðureigninni á morgun munu mætast lið Grikklands og Tyrklands.
Einn allra besti leikmaður mótsins og án vafa sá sem dró Slóveníu alla leið í átta liða úrslitin var leikmaður Los Angeles Lakers í NBA deildinni Luka Doncic.
Luka setti 39 stig í lokaleik liðsins gegn Þýskalandi og endaði því með meðaltal upp á 34.7 stig í leik á mótinu. Hér fyrir neðan má sjá hæstu meðaltöl á mótinu frá upphafi, en 34.7 stig Luka eru þau hæstu síðan Nikos Galis setti35.6 stig að meðaltaliu fyrir Grikkland á EuroBasket 1989. Nikos á reyndar hæsta meðaltalið, 37.0 á EuroBasket 1987 og fjögur af fimm hæstu meðaltöl sögunnar. Meðaltal Luka, 34.7, er þar í þriðja sæti
| Sæti | Ár | Leikmaður | Þjóð | Meðaltal stiga |
|---|---|---|---|---|
| 1. | 1987 | Nikos Galis | Grikkland | 37.0 |
| 2. | 1989 | Nikos Galis | Grikkland | 35.6 |
| 3. | 2025 | Luka Doncic | Slóvenía | 34.7 |
| 4. | 1983 | Nikos Galis | Grikkland | 33.6 |
| 5. | 1991 | Nikos Galis | Grikkland | 32.6 |
Luka var að sjálfsögðu á eldi nánast allt mótið þetta árið. Hæst skoraði hann 42 stig í leik á móti Ítalíu í 16 liða úrslitum mótsins, í tvígang setti hann 39 stig (gegn Þýskalandi í 8 liða og í riðlakeppninni gegn Frakklandi) Lægst skoraði hann 26 stig, gegn Belgíu og í leiknum gegn Íslandi, en nýting hans var verst gegn Íslandi.
