Martin Hermannsson er sagður líklegur til þess að yfirgefa Alba Berlin í Þýskalandi nú sí sumar samkvæmt vefmiðlinum Basketnews.
Martin á eitt ár eftir af samningi sínum við félagið, en nokkrar breytingar hafa verið hjá því þar sem þeir munu ekki leika í EuroLeague á næstu leiktíð. Annað lið myndi því þurfa kaupa Martin af þýska félaginu, en samkvæmt heimildum er þá horft til þeirra liða sem munu leika í EuroLeague á næstu leiktíð.
Martin hefur verið einn albesti leikstjórnandi Evrópu á síðustu árum, en á nýafstaðinni leiktíð var hann einn af fimm stoðsendingahæstu leikmönnum EuroLeague að meðaltali í leik með sex.
