Leikmaður Snæfells Anna Soffía Lárusdóttir hefur verið kosin íþróttamaður UMF. Snæfells fyrir árið 2020.
Í tilkynningu frá félaginu er tekið fram að Anna Soffía “fór úr því að verða efnileg í það að vera fullmótaður leikmaður með mikinn metnað fyrir sínum leik. Hún var máttarstólpi liðsins í vörninni og fékk ávallt það hlutverk að stoppa helstu skorara andstæðingsins. Styrkur góðra leikmanna er hins vegar að vera góður á báðum endum vallarins en Anna Soffía átti frábæra leiki sóknarlega og var óhrædd að keyra á körfuna í bland við hennar frábæru skot,“
Það sem af er tímabili hefur Anna Soffía skilað 13 stigum, 7 fráköstum og 2 stoðsendingum að meðaltali í leik og er 5. framlagshæsti íslenski leikmaður deildarinnar að meðaltali í leik eftir fyrstu 8 leikina.
