Í kvöld fara fyrstu tveir leikirnir í 8 liða úrslitum Euroleague fram. Barcelona tekur á móti Unics og
Panathinaikos tekur á móti Maccabi Electra. Leikið er í 5 leikja seríu og fer því fyrra liðið til að vinna þrjá leiki áfram. Fyrstu tveir leikirnir í hverru seríu klárast núna í vikunni þar sem leiknir eru tveir leikir á kvöldi út vikuna.
Barcelona hefur aðeins tapað einum leik í Eurolegue í ár en það var gegn Montepaschi Siena. Barcelona spilaði tvisvar sinnum við Unics í riðlakeppninni og vann þá báða nokkuð örugglega.
Panathinaikos og Maccabi Electra spiluðu til úrslita í Euroleague í fyrra og því má búast við svakalegri rimmu hér. Panathinaikos hafði þá betur í úrslitaleiknum, 70-78. Liðin hafa ekki mætt hvor öðru í vetur og verður því forvitnilegt að sjá hvar þau standa í ár. Panathinaikos hefur unnið 11 af 16 leikjum sínum í keppninni hingað til en Maccabi hefur unnið 10 af sínum 16 leikjum.
Á morgun mætast svo CSKA Moscow og Gescrap BP og Montepaschi Siena og Olympiacos.
Liðin mætast svo aftur á fimmtudags og föstudagskvöld.
Fyrir þá sem vilja fylgjast með leikjunum er hægt að sjá live stat á www.euroleague.com og svo er hægt að kaupa sjónvarpsútsendingu af leikjunum á www.euroleague.tv
