Nýjasti þáttur Aukasendingarinnar er kominn í loftið þar sem þeir Strikerinn og Jónfrí fara yfir allt það helsta fyrir undanúrslit Bónus deildarinnar.
Eftir dramatíska byrjun á úrslitakeppninni er ljóst að spennan er að ná nýjum hæðum. Sérfræðingar Aukasendingarinnar fóru yfir það sem þarf að gerast til að gera undanúrslitin algjörlega ógleymanleg. Þó gæðin séu mikil, þá er alltaf rými fyrir meira drama, fleiri stjörnumóment og auðvitað – fimmta leikinn í báðum seríum.
Hér fyrir neðan er hægt að sjá lista og umræðu um fimm fleiri hluti sem Aukasendingin vill sjá í undanúrslitunum. Umræðan er aðgengileg er hér fyrir ofan, sem og á öllum hlaðvarpsveitum undir nafni Körfunnar.
5 hlutir sem Aukasendingin vill sjá í undanúrslitunum
- Oddaleiki í báðum einvígum: Aukasendingin vill hámarks dramatík og fá ekkert minna en fimm leiki í báðum seríum. Það er mikil von í öðru einvíginu, en það má aldrei afskrifa neitt þegar Stjarnan og Tindastóll mætast.
- Meira af flautukörfum: Aukasendingin hefur fengið smjörþefinn af spennu, Hilmar Smári fyrir sigrinum í Ásgarði, Kári í N1 höllinni, en vill fleiri hreinar sigurkörfur þegar minna en 10-20 sekúndur eru eftir af leiknum.
- Síungi Króatinn í stærra hlutverk: Aukasendingin eftir fleiri mínútum fyrir Igor Maric. Maðurinn getur ennþá raðað niður þristum og vill Aukasendingin sjá hann fá tækifæri til að láta rigna.
- Heilsa lykilmanna (og færri meiðsli): Aukasendingin vill sjá bestu leikmennina á gólfinu og vonast eftir að liðin haldist heil það sem eftir lifir keppni.
- Óli Óla „On Fire“: Hann setti niður fjóra þrista í síðasta leik og það styttist í alvöru sprengingu. Aukasendingin bíður eftir týpískum „fimm þrista leik“ frá kappanum til að kveikja í stúkunni.
Stóra spurningin fyrir framhaldið
Efst á blaði fyrir næstu leiki er þó ein afgerandi krafa: Stólarnir verða að vinna leik 3. Ef Tindastóll nær ekki sigri þar, þá er tímabil þeirra einfaldlega á enda. En ef þeir svara fyrir sig, þá erum við að horfa á klassíska seríu sem gæti farið alla leið í oddaleik.
