Komið er að upphafi æfinga hjá landsliði karla fyrir undankeppi EM, EuroBasket 2017, en æfingar hefjast í vikunni. Á miðvikudaginn kemur, þann 20. júlí, hefur Craig Pedersen og þjálfarateymi hans boðað 22 leikmenn til æfinga. Alls eru 41 leikmaður í æfingahópnum fyrir sumarið. Æft verður fram að helgi en þá munu þeir skera niður æfingahópinn og boða þá leikmenn sem þeir velja til áframhaldandi æfinga á næstu æfingar sem hefjast mánudaginn 25. júlí. Þar munu þeir hitta fyrir þá leikmenn sem voru í landsliðinu í fyrra og ekki eru að æfa í fyrsta hópnum, auk þess sem nokkrir í U20 landsliði karla munu bætast í hópinn í kjölfarið, þegar þeir koma heim af EM sem fram fer í Grikklandi þessa dagana. Heimasíða KKÍ greinir frá.
Framundan eru svo æfingar í ágúst ásamt æfingamóti í Austurríki 11.-14. ágúst þar sem liðið mætir landsliðum heimamanna, Póllands og Slóveníu. Öll undirbúa þau sig fyrir undankeppnina sem hefst 31. ágúst með heimaleik Íslands gegn Sviss og í kjölfarið eru svo leikir gegn Belgíu og Kýpur, en þessi þrjú lið eru með okkur í riðlinum. Leikið verður heima og að heiman fram til 17. september.
Leikmannahópurinn er skipaður eftirtöldum leikmönnum (í stafrófsröð og leikmenn í liðum skv. félagatali KKÍ):
Ari Gylfason · FSu
Austin Magnus Bracey · Snæfell
Axel Kárason · Svendborg Rabbits, Danmörk
Björgvin Hafþór Ríkharðsson · Tindastóll
Björn Kristjánsson · KR
Breki Gylfason · Breiðablik
Brynjar Þór Björnsson · KR
Dagur Kar Jónsson · St. Francis / Stjarnan
Darri Hilmarsson · KR
Elvar Már Friðriksson · Barry University / Njarðvík
Emil Barja · Haukar
Eysteinn Bjarni Ævarsson · Höttur
Finnur Atli Magnússon · Haukar
Gunnar Ólafsson · St. Francis / Keflavík
Haukur Helgi Pálsson · Njarðvík
Hjálmar Stefánsson · Haukar
Hlynur Bæringsson · Sundsvall Dragons, Svíþjóð
Hörður Axel Vilhjálmsson · Rythmos BC, Grikklandi
Jakob Örn Sigurðarson · Boras Basket, Svíþjóð
Jón Arnór Stefánsson · Valencia, Spáni
Jón Axel Guðmundsson · Davidson / Grindavík
Kári Jónsson · Drexler / Haukar
Kristinn Pálsson · Marist University / Njarðvík
Kristófer Acox · Furman University / KR
Logi Gunnarsson · Njarðvík
Maciej Baginskij · Njarðvík
Martin Hermannsson · LIU / KR
Matthías Orri Sigurðarson · Colombia University / ÍR
Ólafur Ólafsson · St. Clement, Frakklandi
Pavel Ermolinskij · KR
Pétur Rúnar Birgisson · Tindastóll
Ragnar Ágúst Nathanaelsson · Þór Þorlákshöfn
Sigurður Gunnar Þorsteinsson · Doxa Pefkon, Grikklandi
Snorri Hrafnkelsson · KR
Stefán Karel Torfason · Snæfell
Tómas Heiðar Tómasson Holton · Stjarnan
Tómas Hilmarsson · Stjarnan
Tryggvi Þór Hlinason · Þór Akureyri
Valur Orri Valsson · Keflavík
Viðar Ágústsson · Tindastóll
Ægir Þór Steinarsson · CB Penas Huesca, Spáni
Þjálfari: Craig Pedersen
Aðstoðarþjálfarar: Arnar Guðjónsson og Finnur Freyr Stefánsson
