Golden State Warriors tóku á móti Miami Heat í NBA deildinni í nótt. Warriors fóru með 103-111 sigur af hólmi þar sem Stephen Curry setti 31 stig, tók 2 fráköst og gaf 6 stoðsendingar í liði Warriors. Hjá Miami var Dwyane Wade að daðra við þrennuna með 20 stig, 7 fráköst og 11 stoðsendingar. Sigur Warriors var 36. í röðinni hjá þeim á þessari leiktíð.
Þá voru tveir aðrir leikir í NBA deildinni í nótt þar sem San Antonio Spurs burstuðu Brooklyn Nets 106-79 og Washington hafði góðan 114-100 sigur gegn Chicago.
Ef við lítum á stöðu liðanna í augnablikinu þá yrði úrslitakeppnin skipuð eftirtöldum liðum austan- og vestan megin:
Austrið
Cleveland
Toronto
Chicago
Atlanta
Miami
Indiana
Detroit
Orlando
Vestrið
Golden State
San Antonio
Oklahoma
LA Clippers
Dallas
Memphis
Houston
Utah
Heitustu lið deildarinnar
LA Clippers – 9 sigrar í röð
San Antonio – 8 sigrar í röð
Cleveland – 7 sigrar í röð
Golden State – 7 sigrar í röð
