Seinni fjórar viðureignir 16 liða úrslita NBA deildarinnar fóru af stað í gær og í nótt. Úrslitin mikið til eftir bókinni þar sem að Washington Wizards sigruðu Atlanta Hawks, Golden State Warriors sigruðu Portland Trail Blazers og Houston Rockets lið Oklahoma City Thunder. Nokkuð óvænt hinsvegar, sigruðu Chicago Bulls lið Boston Celtics. Bulls að koma inn í úrslitakeppnina úr áttunda sætinu gegn Celtics í því fyrsta í þessari fyrstu umferð.
Mikið hafði verið rætt og ritað um mögulega þátttöku stjörnuleikmanns Boston Celtics, Isaiah Thomas í einvíginu. Thomas var með í leik gærkvöldsins og þrátt fyrir tap, skilaði hann flottu framlagi, 33 stigum, 5 fráköstum og 6 stoðsendingum.
Atlanta Hawks 107 – 114 Washington Wizards
Wizards leiða einvígið 1-0
Portland Trail Blazers 109 – 121 Golden State Warriors
Warriors leiða einvígið 1-0
Chicago Bulls 106 – 102 Boston Celtics
Bulls leiða einvígið 1-0
Oklahoma City Thunder 87 – 118 Houston Rockets
Rockets leiða einvígið 1-0