11:00
{mosimage}
(Helena Sverrisdóttir)
TCU bandaríska háskólaliðið sem Helena Sverrisdóttir leikur með hafði ekki erindi sem erfiði í topplið Utah í Mountain West riðlinum í nótt. Leikurinn fór fram á heimavelli Utah sem lagði TCU 73-63.
Helena Sverrisdóttir, fyrirliði TCU, fór mikinn í leiknum og skoraði 27 stig á þeim 36 mínútum sem hún lék í leiknum. Helena var einnig með 9 fráköst, 4 stoðsendingar og 1 stolinn bolta. Stigin 27 í leiknum í nótt voru persónulegt met hjá Helenu en hún setti einnig niður öll fjögur vítaskotin sín í leiknum og hefur því skorað úr 27 vítaskotum í röð.
Eftir leikinn í nótt hefur TCU unnið 5 leiki og tapað 3 í Mountain West riðlinum og eru í 4. sæti eins og sakir standa. Næsti leikur liðsins er laugardaginn 7. febrúar gegn Colorado State.
