Fjölnismenn tóku í kvöld á móti Skagamönnum í ÍA í Dalhúsum í Grafarvogi í kvöld. ÍA gat með sigri tryggt sér deildarmeistaratitilinn og sæti í Bónus deildinni á næsta tímabili á meðan Fjölnismenn vildu skemma partýið og gera sitt til að ná sér í heimavallaréttinn í fyrstu umferð komandi úrslitakeppni 1. deildar.
Það fór ekkert á milli mála þegar litið var upp í stúkuna að Skagamenn voru mættir í höfuðborgina til að styðja við bakið á sínu liði og leggja sitt að mörkum til að koma ÍA síðasta spölinn upp í Bónus.
Bæði lið komu með góðan meðbyr inn í leikinn, Fjölnir unnið 8 af síðustu 10 leikjum og ÍA ósigraðir í síðustu 11 leikjum.
Leikurinn bar þess merki að spennustigið væri hàtt og mikill hraði var í upphafi fyrsta leikhluta. Fjölnir leiddi fyrstu mínúturnar og gestirnir áttu í vandræðum með Lewis undir körfunni en hann skoraði fyrstu 9 stig heimamanna. Þriggja stiga skot gestanna, þar sem mikið fór fyrir Kristófer, komu þeim yfir um miðbik fyrsta leikhluta, en ef einhver er til í og kann að jafna þann leik þá er það Arnþór og hann gerði nákvæmlega það. Undir lok leikhlutans fóru Skagamenn að hiksta sóknarlega á meðan allt fór niður hjà Fjölnismönnum sem leiddu 28-21 eftir fyrsta leikhluta.
Skagamenn byrjuðu annan leikhluta á að leita aftur í þristana sem kom þeim aftur inn í leikinn og jöfnuðu stöðuna í 32-32. Eftir það skiptust liðin á að skora og jafnræði var með liðunum en Skagamenn náðu sex stiga forustu þegar um hálf mínúta var eftir af fyrri hálfleik. Þá var dæmd óíþróttamannsleg villa á ÍA, Fjölnismenn setur bæði vítin, tóku svo leikhlé og voru við það að klúðra sókninni þegar Gunnar henti í ævintýra þrist þegar flautan gall of skotið endaði spjaldið ofaní. Hálfleikstölur 52-53 fyrir ÍA.
Skagamenn létu þennan endi á fyrri hálfleik sitja í sér og mættu stefndari inn í seinni hálfleikinn og náðu fljótt sex stiga forustu aftur líkt og undir lok fyrri hálfleiks. Liðin skiptust svo á að skora meira og minna út leikhlutann en svo fór að ÍA leiddi fyrir fjórða og síðasta leikhlutann 70-78. ÍA tók meðbirinn úr þriðja leikhluta með sér inn í þann fjórða og náði 16 stiga forustu en Fjölnismenn voru ekki á því að gefast upp og komu til baka og þegar um tvær mínútur voru eftir af leiknum var munurinn kominn niður í 11 stig og öll pressan á ÍA að klàra leikinn og landa deildarmeistara titilnum. Þá pressu stóðust þeir með sóma og lönduðu að lokum níu stiga sigri 97-106. Deildarmeistaratitillinn því farinn upp á Skaga og ÍA verður í Bónus deildinni á næsta tímabili í fyrsta skipti í 25 ár.
Tölfræði hæstu leikmenn Fjölnis:
Lewis Junior 29 stig, 7 fráköst, 7 stoðsendingar
Arnþór Freyr 20 stig, 5 stoðsendingar, 50% þriggjastiga nýting
Birgir Leó 15 stig, 3 fráköst, 4 stoðsendingar, 3 stolnir
Rafn Kristján 5 stig, 12 fráköst
Tölfræði hæstu leikmenn ÍA:
Victor 22 stig, 10 fráköst, 3 stoðsendingar
Kristófer Már 20 stig, 3 fráköst, 3 stoðsendingar
Srdan 20 stig, 4 fráköst, 3 stoðsendingar
Kinyon 18 stig, 4 fráköst, 5 stoðsendingar, 6 stolnir
Lucien 16 stig, 3 stoðsendingar, 3/3 í þriggjastiga
Tölfræði leiks
Merkilegir punktar úr leiknum:
-ÍA var að vinna fyrstu deildina í fyrsta sinn í 32 ár
-Fjölnismenn tóku 13 víti áður en ÍA fékk vítaskot í leiknum
-Bekkurinn hjá Fjölni skilaði 33 stigum af 97 liðsins
-Byrjunarlið ÍA sett 96 stig af 106 stigum liðsins
-Fjölnir skoraði mest 13 stig í röð og leiddi mest með 8 stigum
-ÍA skoraði mest 8 stig í röð en leiddi með mest 16 stigum
Umfjöllun / HGH
Myndir / Jónas H. Ottósson
