00:55
{mosimage}
Íslenska 16 ára landslið karla mátti í dag þola sinn fyrsta ósigur á Norðurlandamótinu í Solna er liðið lá 62-74 gegn Finnum. Fyrirfram var vitað að leikurinn skipti engu máli upp á röðun mótsins þar sem Ísland mætir heimamönnum í Svíþjóð á morgun í slag um Norðurlandameistaratitilinn. Styrmir Gauti Fjeldsted var atkvæðamestur í íslenska liðinu í dag með 14 stig og 4 fráköst.
Íslendingar höfðu frumkvæðið framan af leik en Finnar voru vel stemmdir í dag og því var staðan jöfn 15-15. Í öðrum leikhluta hertu Finnar róðurinn og voru að hitta vel úr þriggja stiga skotum sínum gegn svæðisvörn Íslands. Staðan í leikhléi var því 28-38 en Íslendingar léku á öllum sínum mönnum í dag nema Birni Kristjánssyni sem hvíldi þar sem hann hefur verið að glíma við smávægileg meiðsli að undanförnu.
{mosimage}
Finnar héldu áfram að auka bilið milli sín og Íslands í þriðja leikhluta og lauk honum í stöðunni 44-60 og að endingu urðu lokatölur 62-74 Finnum í vil. Fjarri því besta frammistaða Íslands á mótinu en ljóst var að Einar Árni Jóhannsson ætlaði ekki að ofkeyra hópinn fyrir átökin á morgun.
Stigaskor Íslands
Styrmir Gauti Fjeldsted 14
Anton Örn Sandholt 9
Elvar Sigurðsson 9
Hjalti Valur Þorsteinsson 8
Óli Ragnar Alexandersson 5
Haukur Helgi Pálsson 5
Andri Þór Skúlason 4
Ólafur Helgi Jónsson 3
Daníel Geirsson 2
Andri Freysson 2
Oddur Ólafsson 1
Leikir morgundagsins
U 16 ára kvk – Ísland-Danmörk, leikur um 3. sæti kl. 10:15 (08:15 ÍSL)
U 16 ára kk – Ísland-Svíþjóð, leikur um 1. sæti kl. 11:15 (09:15 ÍSL)
U 18 ára kk – Ísland-Svíþjóð, leikur um 3. sæti kl. 13:45 (11:45 ÍSL)
{mosimage}
