12:57
{mosimage}
(Dagmar Traustadóttir sækir að körfu Finna)
Ísland mátti sætta sig við stóran ósigur gegn Finnum í sínum fyrsta leik í U 16 ára kvennaflokki á Norðurlandmóti unglinga í Solna. Lokatölur leiksins voru 91-42 Finnum í vil sem tóku forystu snemma leiks og áttu ekki í neinu basli með að hrinda íslenska liðinu út úr vel flestum sínum aðgerðum.
Finnar tóku snemma forystu og komust í 8-1 en Ísland minnkaði muninn í 10-7 en þar skildu leiðir og Finnar gerðu 13 stig gegn tveimur frá Íslandi og því lauk leikhlutanum í stöðunni 23-9 fyrir finnska liðinu.
Finnska liðið leysti vel úr bæði svæðisvörn og maður á mann vörn Íslands og á hinum endanum var íslenska liðið í stökustu vandræðum með að komast upp að körfunni. Staðan var svo 43-25 Finnum í vil þegar blásið var til hálfleiks en íslenska liðið átti fínar rispur í öðrum leikhluta sem Finnar unnu 20-16.
Sigur Finna var aldrei í hættu í síðari hálfleik og lauk leik 91-42 eins og áður greinir. Íslensku stelpurnar sýndu á köflum fínar rispur en mættu ofjarli sínum í dag.
Stigaskor íslenska liðsins:
Guðbjörg Sverrisdóttir 8
Dagmar Traustadóttir 8
Ína María Einarsdóttir 8
Rannveig Ólafsdóttir 6
Heiðrún Kristmundsdóttir 6
María Jónsdóttir 2
Elma Jóhannsdóttir 2
Thelma Ásgeirsdóttir 2
{mosimage}