14:04
{mosimage}
Jashuan Agosto er lítill maður með fullkomnunaráráttu sem hefur með hjálp föður síns orðið að barnastjörnu í körfubolta. Daglega gerir hann boltaæfingar í þrjá tíma áður en hann gerir styrktar og hlaupaæfingar.
Þar sýnir hann líka hversu stórkostlegur hann er. Hann er 11 ára og hleypur 1 mílu (1609m) á 4,50 mínútum og er súrefnistupptaka (hámarkssúerfnisinntaka í ml/mín pr kg) hans 66. Strákurinn er frá Seattle í Washington er einnig meðlimur í frjálsíþróattafélagi staðarins, Seattle Speed Track Club, og þjálfari hans er viss um að Jashaun á eftir að verða stórstjarna.
„Ég hef aldrei séð annað eins. Ef ég væri hann þá myndi ég byrja á því að fara á Ólympíuleika og vinna gull (á hlaupabrautinni) og koma svo til baka og spila í NBA“ segir hann við Seattle Times.
Þegar Jashaun kemur heim á daginn þá sinnir hann heimanáminu af sama ákafa og æfingum. Hann er jafn ósáttur við að fá ekki toppeinkunn í skólanum eins og að missa af æfingu.
Hvern dag endar svo Jashaun með því að taka 200 magaæfingar, 200 armbeygjur og 200 hnébeygjur með lóðum á herðunum.
Hann er í fimmta bekk og spilar körfubolta með skólanum við andstæðinga sem eru tveimur árum eldri og hann er yfirburðarmaður.
Báðir foreldrar hans spiluðu körfubolta fyrir skólaliðið þegar þau voru í menntaskóla svo áhuginn kemur ekki á óvart. En faðir hans, Julio, tekur fram að það sé áhugi og vilji stráksins sem drífur hann áfram.
Ef Jashaun missir áhugann einn daginn þá segir faðir hans að það sé allt í góðu.
„Það er ekkert mál, ég hef rætt við móður hans um það. Annar sonur minn, Julio, hefur engan áhuga á körfubolta. Hann vill verða ljósmyndari og ég styð hann í því heils hugar.
Hér að neðan má sjá tvö myndbönd af Jashaun Agosto.
Þýtt af www.bt.dk
Mynd: http://lebasketbawl.blogspot.com