Þór Akureyri heldur áfram að bæta í hóp sinn fyrir komandi tímabil í fyrstu deild karla, en í dag tilkynnti félagið samninga við þrjá nýja leikmenn.
Tveir af þeim eru Axel Arnarsson og Eiríkur Jónsson. Báðir eru þeir ungir og efnilegir leikmenn, en Axel kemur úr Tindastóli á meðan Eiríkur kemut til Akureyrar frá Skallagrími.
Þá hefur félagið samið við Pietro Ballarini sem er 21 árs ítalskur bakvörður sem kemur til liðsins frá akademíu Lions í Emilia Romagna í heimalandinu.
