Ísland mætir Spáni heima og Georgíu úti nú í lok mánaðar í lokaleikjum sínum í undankeppni HM 2023. Möguleikar Íslands á að tryggja sig á lokamótið eru enn til staðar, en svo að það geti orðið þurfa þeir burt séð frá öðru að vinna Georgíu úti með fjórum stigum eða fleiri.
Georgía tilkynnti á dögunum hvaða 14 leikmenn það verða sem koma til greina í 12 manna lið þeirra í þessum lokaglugga, en ásamt lokaleiknum gegn Íslandi mæta þeir Hollandi úti í Almera.
Ljóst er að um svipaðan hóp er að ræða hjá liðinu og mætti Íslandi í heimaleiknum, þar sem að þeirra lykilmenn voru allir að undanskyldum Goga Bitadze sem leikur í NBA deildinni. Flestir leika þeir í heimalandinu, en þeirra allra sterkustu leikmenn koma úr spænsku og ítölsku úrvalsdeildunum.
14 leikmanna hópur Georgíu:
Rati Andronikashvili – Murcia/Spánn
Givi Bakradze – Olimpi/Georgía
Beka Bekauri – Tbilisi/Georgía
Mikheil Berishvili – Tbilisi/Georgía
Merab Bokolishvili – Cactus/Georgía
Beka Burjanadze – Reggiana/Ítalía
Kakhaber Jintcharadze – Kutaisi/Georgía
George Korsantia – Gostivar/Makedónía
Ilia Londaridze – Kavkasia/Georgía
Thaddus McFadden – Murcia/Spánn
Duda Sanadze – Anorthosis/Kýpur
Tornike Shengelia – Virtus Bologna/Ítalía
Giorgi Shermadini – Tenerife/Spánn
George Tsintsadze – TSU/Georgía
View this post on Instagram
Umfjöllun Körfunnar um íslensku landsliðin er kostuð af Lykil
