Þjálfari Grindavíkur í Subway deild kvenna og fyrrum leikmaður meistaraliðs félagsins Þorleifur Ólafsson hefur boðið bróðir sinn leikmann Grindavíkur Ólaf Ólafsson til leigu fyrir komandi undanúrslit og úrslit VÍS bikarkeppninnar sem fara fram í næstu viku.

Samkvæmt Þorleifi er Ólafur falur fyrir 2 miljónir, þar sem að greiðslan mun skiptast þannig að Grindavík fær eina miljón, svo munu þeir bræður Þorleifur, Ólafur og Jóhann Þór þjálfari Grindavíkur í Subway deild karla skipta hinni miljóninni á milli sín. Sérstaklega tekur hann fram að Sigga systir þeirra fái ekki neitt, en útskýrir ekkert frekar afhverju það er.

Í undanúrslitum karla eru lið Vals, Hattar, Keflavíkur og Stjörnunnar. Ljóst er að Ólafur myndi styrkja alla leikmannahópana, enda verið einn besti leikmaður Subway deildarinnar það sem af er tímabili, skilað 17 stigum, 8 fráköstum, 2 stoðsendingum og 3 stolnum boltum að meðaltali í 14 leikjum fyrir Grindavík.

Liðið sem tæki Ólaf á láni fyrir vikuna væri ekki það eina sem væri með lánsmann, en líkt greint hefur verið í fréttum mun Stjarnan tefla fram Ahmad Gilbert leikmanni á láni frá Hrunamönnum í undanúrslitaviðureign sinni gegn Keflavík þann 11. janúar.