Íslandsmeistarar Vals lögðu Grindavík í 2. umferð Subway deildar karla í HS Orku Höllinni í kvöld, 67-68. Bæði lið hafa því unnið einn og tapað einum það sem af er móti, en Valur tapaði fyrir Stjörnunni í 1. umferð á meðan að Grindavík lagði KR.

Hérna er tölfræði leiksins

Karfan spjallaði við Jóhann Þór Ólafsson þjálfara Grindavíkur eftir leik.

Þetta var jafn og harður leikur, góð barátta og vilji í báðum liðum. Ég get lítið kvartað þótt leikurinn hafi ekki verið vel spilaður, og þá sérstaklega sóknarleikurinn – menn voru að leggja sig alla fram og það er jákvætt.

En sóknarleikur okkar var alls ekki nógu góður og við verðum að fá betra flæði í sóknina og munum vinna vel í því. 

Hins vegar mátti varla sjá á milli liðanna og sigurinn hefði svo sem getað lent okkar megin. Við gerðum mistök í blálokin sem ég tek á mig – ég hélt að það væri minna eftir og þess vegna tókum við þriggja stiga skot of snemma og eins og ég sagði, það skrifast alfarið á mig.

Hvað hópinn varðar erum við ekki alveg sáttir með stöðuna; það er vissulega margt gott og jákvætt að finna í liðinu, en við erum að skoða nokkra möguleika en það er of snemmt að tala um það núna.

Nú er bara að halda áfram veginn, læra af þessum leik og vinna vel í okkur sjálfum.