Lokamót EuroBasket fór af stað síðastliðinn fimmtudag í Georgíu, Tékklandi, Ítalíu og Þýskalandi. Eins og í síðustu skipti er riðlakeppnin á ólíkum stöðum álfunnar áður en útsláttarkeppnin hefst, en þetta árið fer hún öll fram í Berlín í Þýskalandi.
Eitthvað hefur verið um óvænt úrslit það sem af er móti þó flest hafi þau verið eftir bókinni. Fram að útsláttarkeppninni sem hefst komandi laugardag 10. september eru 48 leikir á dagskrá sem alla er hægt að horfa á fyrir vægt gjald í gegnum Courtside 1891. Á dagskrá í dag eru 12 leikir, þar sem að meðal annars Litháen og Frakkland mætast og Grikkland tekur á Ítalíu.
RÚV mun þó einnig vera með beinar útsendingar frá völdum leikjum riðlakeppninnar, en hér fyrir neðan má sjá dagskrá næstu daga. RÚV mun svo sýna alla 16 leiki útsláttakeppninnar í beinni útsendingu frá 10. til 18. september.
Dagskrá RÚV næstu daga:
03.09 – Litháen Frakkland – 15:45 – RÚV
03.09 – Grikkland Ítalía – 19:00 – RÚV 2
04.09 – Litháen Þýskaland – 12:30 – RÚV
07.09 – Tyrkland Spánn – 11:30 – RÚV
07.09 – Frakkland Slóvenía – 15:15 – RÚV 2
