Ölgerðin endurnýjaði á dögunum samstarf sitt við KKÍ til ársins 2024, en fyrirtækið og vörumerkið Kristall hefur verið góður samstarfsaðili sambandsins á síðustu árum. Hér fyrir ofan má sjá þá Hannes S. Jónsson formann KKÍ og Jóhannes Páll Sigurðarson vörumerkjastjóra hjá Ölgerðinni við undirritun nýrra samninga í Tómasarstofu í húsakynnum Ölgerðarinnar.

„Ölgerðin hefur unnið vel með okkur í KKÍ og körfuboltafjölskyldunni undanfarin ár og það er mjög ánægjulegt þegar aðilar endurnýja sitt samstarf og efla það enn frekar eins og við gerum núna sem er merki um að báðir aðilar eru ánægðir. Það eru einnig spennandi tímar framundan hjá Ölgerðinni sem er gaman að fá taka þátt í með þeim.“ sagði Hannes formaður KKÍ og Jóhannes Páll Ölgerðinni bætti við „Við erum gríðarlega ánægð að bæði endurnýja okkar góða samstarf við KKÍ og að gefa í. Það eru mikil sóknartækifæri í körfuknattleiksíþróttinni og samstarfi Kristals og KKÍ.“