Grindavík hefur framlengt samningum sínum við Örnu Sif Elíasdóttur, Natalíu Jenný Lucic Jónsdóttur og Theu Ólafíu Lucic Jónsdóttur til næstu tveggja ára. Allar eru þær uppaldir leikmenn félagsins sem komu upp í Subway deildina með liðinu á yfirstandandi tímabili, en Grindavík endaði í 6. sæti deildarinnar með 12 stig.

Fréttatilkynning:

Körfuknattleiksdeild Grindavíkur hefur endurnýjað samninga sína við þrjá uppalda leikmenn í kvennaliði félagsins. Þetta eru þær Arna Sif Elíasdóttir, Natalía Jenný Lucic Jónsdóttir og Thea Ólafía Lucic Jónsdóttir. Þær skrifa allar undir samning við félagið út tímabilið 2023/2024.


Arna Sif er 21 árs gömul og stóð sig vel í vetur. Hún leikur stöðu miðherja og er mjög öflugur liðsmaður sem skilur allt sitt eftir á vellinum.


Natalía Jenný er 19 ára bakvörður og mjög góða góða boltatækni. Hún var með 6 stig að meðaltali í Subway-deildinni í vetur. Við bindum miklar vonir við að Natalía haldi áfram að bæta sig og verði lykilmaður í liðinu til framtíðar.


Thea Ólafía er 19 ára framherji og átti frábæran endasprett með liðinu á þessari leiktíð. Hún var með 5 stig að meðaltali í leik og er einnig frábær skytta.


„Við erum gríðarlega stolt af því að endurnýja samninga við uppalda leikmenn sem eiga eftir að spila stórt hlutverk í liðinu á næstu árum. Allar þessar stelpur leggja sig 100% fram og eru frábærar fyrirmyndir fyrir yngri iðkendur félagsins,“ segir Ingibergur Þór Jónasson, formaður Körfuknattleiksdeildar Grindavíkur.

Karfan.is/iHandle