Körfuboltatölfræðingurinn Hörður Tulinius hefur reiknað út stöðu liða Subway deildar kvenna eftir fyrstu 8-12 umferðirnar útfrá því sem í daglegu tali þekkist sem tölfræði fyrir lengra komna (e. advanced statistics) og þekkist víða í hinum stóra heimi körfubolta.

Hörður Tulinius / twitter.com/HordurTulinius

Samkvæmt greiningunni er Fjölnir besta lið deildarinnar með 9,8 í Net Rating. Næst á eftir þeim kemur Njarðvík með 7,9, og Valur í því þriðja með 5,2. Versta lið deildarinnar er Grindavík með -14,0 í Net Rating, en þar undan er Breiðablik með -13,0 og Keflavík þriðja versta liðið með 1,5.

Á sóknarhelmingi vallarins er Grindavík best, með 2,5 í einkunn, Fjölnir fyrir aftan þær með 3,5 og Haukar með þriðju bestu sóknina, 3,9. Versta sókn deildarinnar er hjá Breiðablik, en einkunn þeirra er 6,0 og næst versta sóknin er í Njarðvík, 4,6.

Á varnarhelmingi vallarins ber Njarðvík svo höfuð og herðar yfir önnur lið, með 2,3 í einkunn, en versta vörnin hingað til hefur verið hjá Grindavík, 5,5.

Þá er þarna einnig að finna útreikninga fyrir hraða liðanna. Samkvæmt útreikningum spilar Fjölnir langsamlega hraðast 85,5 sóknir í leik á meðan að Njarðvík spilar hægast, 76,7 sóknir að meðaltali í leik.

Hörður Tulinius / twitter.com/HordurTulinius

Fyrir frekari útskýringar á flokkum fjórþáttagreiningarinnar er hægt að lesa hér

Hérna er taflan á Grid.is