Dominykas Milka ræðir við fyrrum leikmann Keflavíkur Reggie Dupree um hvernig lífið sé að fara með hann eftir körfubolta, en hann lagði skóna á hilluna eftir síðasta tímabil. 

Reggie kom fyrst til Íslands árið 2012, en hann hóf feril sinn með Reynir í fyrstu deildinni. Árið 2014 var hann kominn í lið Keflavíkur þar sem hann hefur leikið allar götur síðan.

Þá fer Reggie yfir hvaða leikmönnum var erfiðast að spila á móti, hverjum var best að spila með, vonbrigði úrslitaeinvígis síðasta tímabils og margt margt fleira.

Social Chameleon mun koma reglulega út í vetur, en í því mun Dominykas ræða við áhugavert fólk bæði um hin ýmsu málefni sem snerta körfuknattleik, sem og málefni líðandi stundar.

Social Chameleon er í boði Kristalls, Lykils og Subway.

Með Dominykas er sem áður ritstjóri Körfunnar Davíð Eldur.

Hlustendum er bent á Instagram síðu þáttarins fyrir tillögur að skemmtilegu efni, sem og til þess að senda inn spurningar, en hún er aðgengileg hér.