Miðherji Breiðabliks og íslenska landsliðsins Isabella Ósk Sigurðardóttir verður frá næstu vikurnar samkvæmt heimildum Körfunnar.

Isabella meiddist á ökkla eftir aðeins 17 mínútna leik gegn Fjölni í Dalhúsum í fyrstu umferð Subway deildarinnar og mun vera með afrifubrot á honum, en samkvæmt sjúkraþjálfara mun það taka hana 6-8 vikur fyrir hana að komast aftur af stað.

Það munar um minna fyrir Breiðablik, en í 21 leik fyrir þær á síðasta tímabili skilaði Isabella 11 stigum og 14 fráköstum að meðaltali í leik.